علي الناصر
مرة قريت تقرير على واحد من الجواسيس الروس اللي اشتغل لصالح المخابرات الامريكية يكول :
هذا الرجل كان يتمتع بمنصب رفيع بالحكومة الروسية ( الاتحاد السوفيتي ) وهذا حامت عليه الشكوك على انه عميل لجهة اجنبية وحاولت ايكلك المخابرات الروسية ان تعرف ويامن وشلون واشكد يقبض ماعرفت . لكن كل الدلايل تشير على انه عميل ويتجسس ويقبض لان اموره مو طبيعية
. ها يابة .. ايه .. هناك الرجال خوش صار عنده دخل راد يطلع على المعاش ... ايه .. تقاعد.. دز عليه واحد من القيادات عدهم .. ايكلك حلفه بلينين لبماركس ايه بواحد يشور عدهم .. حط ايده على كتاب الجدلية التاريخية لو يمكن صراع البروريتاريا .. انه ادري وكال له سولف لي بروح ذاك الاب الطاهر ... ايه كال له شسولف رفيج .. الفروخ ياكلون موز والدنيا ربيع والجو بديع وانه ماشي اطلع لاوربا اكضي باجي العمر ... واحصل لي جنسية .... كال له عمي يجرالك بس اكعد حاجني ... بويه عليمن ؟؟؟
كال له هاذا الخير ؟ هالبت ينوبنه بنه نصيب ... كاله خوية عيب تكدر عليه .. ايه .. من .. حيث مو ياهو اليجي يكدر يسويها ... لا بروح جوني سييف ( هذا جده من امه ) كالة جا شلون .. المهم اخذ منه وعد ما يكشف سرة ابد وهم حلف اله بماركس وانجلس ابد لاعين اللي تشوف ولا كلب اليحترج بس كول ... محد يعرف السر غيري وللموت ... ايه .. وهناك من ينطيه جلمة لابد ويحترمه .. ايه .. بس يكله ..برومس كال ايه وحات ابوي بروس انتهت .
كاله خوية كل السالفة وما بيها :: اسمعوا اخوتي
من تريد تدمر شي حط شي بمجان شي اخر
انه غلام ديمتروسيف ( هذا خال الاولاد ) شلون ولك ؟؟؟ وانت شسويت عاباك الله كون
ما سويت شي ... وكت التعيين احط محيسن اوف بمجان خزعليف ايه . هذا خريج وذاك مريج ..
ضاع الخيط ويوم بعد يوم انهجم بيت ابوك ... كامت الوادم ناس تجر طول وناس تجر عرض وتاهت السالفة .. وهاي شغلتك ..
ايه .. بس واللهدات تجي مصفطة لاتعب ولا شكة ..
احتركو اهلك على هالشغلة ... وصار خريبطوف مستشار الهندسة وضل دريد مكابل الشهادة وحطيت بيدة مكنسة .... تف بلا ورسن ...
هاي خوية السالفة اظن هوايه منكم سامعينها .. والماسامعها .. سمع حجي وتصريحات الاخوان المسعولين من يوم الاول .. لا .. ليش واحد يظلم بخته .. من جنه هناك .ز ايه .. ايام الضيم والغربة .. ونصيح .. ونكول ... توزعت المناصب للعفطية ... لاخوة طكعان وسلبان وغربان .. لاشهادة ولا اخلاق .. وتدهور البلد وضاعت الحكوك وتهجرت العكول ونزلت الكفاءات للشارع تشتغل سواق سيارات واصحاب جنابر( مع احترامي لكل المهن الشريفة ) وكام الواحد يبيع كتبة ومنه غراضة والنوب شيلمان البيت وضل بلا سكف .
وانرفع شعار الرجل المناسب في المكان المناسب حتى نبني الوطن بعيد عن المحسوبية والمنسوبية والسهرسوبية واللهدوسوبية . ايه .. وشجم ايه ... اضنها ايهات ...
خوية شو بس كلنا ابدأ صار المنطرد كلمن يكوش لربعة . عمي شوفو البرلمان وعدو وياي العوائل
هذا ومرته وذاك واختة والاخر واخوه والوزارات توزعت حسب قاعدة صاحبنا ابن سميروتوف محروك الصفحةاوف ؟؟ خوية جا وين الوعد يفلان .. مو النهاية تصير نفس النهاية ... ودرب الزلك ماوراه غير كسران الركبة . جا انتم تحجون بالنهار حجي الملايكة وبالليل تنفذون افكار الشياطين احنه انريد الوادم البره ترد تبني بلدها التعبان وانتم تخلون اللي بالبلد يهج يدور على جنسية .. عمي ماتقرون .. ما تابعون .. جا المن هالملايين تقبضون .. صدك انه واحد من المايعرفون يكتبون .. لجن بويه السالفة اسولفها الكم حتى تفهموها لان الظاهر ما تعرفون رطين الشعراء والمثقفين ايه .. جا هو المثقف شيشتغل ... ما تدرون . عمي اسمعوها مني .. اللي يريد يبني البلد جدام الاعلام شكل ويفلشة من يكعد ويه الكرايب والحبايب . عمي امشي عليكم العباس ابو فاضل .. لو تضلون تفلشون ولا تصرحون .. لو تشتغلون ولا تصرحون .. .. عمي مدير التطوير والتاهيل مامشتغل شغلة وحده بحياته بالاختصاص اللي يديره ولكم شيطور وشي اهل ... لو تصير من الحزب الفلاني لو مالك عيشة .. لو عندك سند لو اكعد ابيتكم ... وتردون تبنون البلد لا خوية .. وداعتكم نضل مثل شارع السعدون صار له تسع تشهر يشتغلون والرصيف ماكمل منه بس حطو الصبات ..
ونكول السنه هاي سنة محاربة الفساد وسنة الاعمار وانكضت منها تسع تشهر .. وينه الفساد الحاربناه وين الاعمار ..اخوتي ماحك جلدك غير ظفرك .. هاي الفرصة لاتضيعوها .. خلي نتصارح ... خلي نتزاعل .. خلي .. نخسر .. بس كون ربحنا بالنتيجة العراق .. يرحم والديكم اللي ضحيتو وانطيتو انطو بعد ولاتخلون الحرامية والاميين تلعب بينه .. وانه طولت .. ولكن ......
هناك ٣ تعليقات:
لك انت فد واحد اتخيط واتخربط مثل ذاك صاحبك الكوووووووووورررررر ----ديييييي ولو بيكم خير اكشفوا نفسكم بس ادري بيكم مو زلم
انت الزلمة الحوك واكشف نفسك وراح تشوف الامهات شتجيب
علي كاظم الناصر
من جان ابوك خادم لعداي احنه مراوينه وابوه نجوم الظهر
مراقب
إرسال تعليق