علي الناصر
وصلت مصرف الرافدين اريد اسحب لي شجم مليون ( لا تصدكون ) واشوفن لك الازدحام وهذا يصيح اوكف بالسرة ..
وانت عمي ليورة ..
باوع ترة ارجعك كرة ...
والزلم على الخط مسطرة ...
بالك ياحجي من المرة ...
صيرن على صفحة ترة ...
وروح امي اسوي الماجرة ....
شنهي شرطي هاذا لو عننترة ..
ويرعد ويزبد شو الجرة ...
ولكم دفهموني شنو ؟؟؟؟
كلمن وشايل فايلة ..
تعيين انفتح للو للمكبرة ..
شياب وعجايز منتهين ..
وتحت حر الشمس واكفين ..
والحجي كلة رطين ..
ردت افتهم .. اسال شنو ؟ شو ساكتين ..
عيونهم تربي للشرطة الواكفين ....
لا جواب المنه حالي يستعين ...
وين رايح حجي اوكف ...
كتلة عندي دفتر سحب ..
كال خافنها جذب ..
كلت اعوذ بالله من كول الجذب ..
عمك ولك بالشيب راسي ملتهب ...
اجذب عليمن ؟؟ منطلب ؟؟؟
شاف الدفيتر وانسحب ..
سوالي فسحة من الدرب ..
وعيون ربعي شارده جنها بحرب ...
لوجنها نار وتلتهب ...
ولكم شنو القصة شكو ؟؟؟؟؟
كلمن يحضر فايلة وما يقترب ...
واللي يخالف ينسحب ....
لو ينشتم لو ينضرب ...
واعرفت قصتهم شنو ....
متقاعدين مكيفين ....
للسلفة جوي محزمين ....
للملايين الثلاثة ناطرين ...
متحملين ...
الدفع .. مو مشكلة ..
والشمس هم مو مشكلة ..
والعطش والجوع هم معلمين...
لكن الاقمش من هذن ...
فرض الشجن ..
لازم كفيل اليكفلك من مصرفك مو من عدن ...
والراتب اعلى ومستمسكات مصورة جنسية والتموين وبطاقة سكن ...
ليش التعب ليش الشكى يامخلصين لهالوطن ..
.ياوزير المال وانت المدير المؤتمن ....
شيصير لو كلمن يكفله راتبه ..
ويقبضهن بعز وكرامة بلا محن...
وبلا تعال انت ..
ومدافع ..
والحجي الماله ثمن ...
لو هي عطوة ا تنكص عليكم صحن ...
لو مامنطيها اظن احسن واحن ...
ماتنراد عطوة وبيه من ....
بعد هالعمر والشيب والامراض كلها وهالشحن ..
روح وتعال وجرجرة ...
والحجي تسمع طرطرة ..
كل عين منك ناطرة ..
رشوة زغيرة .......
واذا ما تدفع ابد مو مرجله...
ما تشوف الصك بعينك تره ...
الا بعد شهرين لو فايل يضيع وترجع من اول هره....
جا وين ننطي هالوجه ..
ونشتكي البينا جرى
ماتسوى منه ولاعتب
الهم يكنزون الذهب
والنه المذله والتعب
لكن اكو فوكانا رب
ينطي ويهب
ومنية ال..... تستاهل السب
ملاحظة : المتقاعد عنده راتب ليش يكفل غيره وهم متقاعد مثله . ليش مايكون كفيلة راتبة وياخذ السلفة ويه الراتب معزز مكرم وحق الدولة محفوظ لو لازم ينذل ويتعرض للابتزاز .
فهل من مدكر .نسيت : يابة اني مو ميت قاعد خاف عبالكم
ليست هناك تعليقات:
إرسال تعليق